Su traballu, di Gianni Loy

Torrat su ‘sabodo de sa poesia in sardu‘. Gianni Loy, professore de diritu de su triballu  in s’ Universidade de Casteddu, cun custa presentada incomintzat (1) a ‘poetare’ po nois.

 

Su traballu

Issoperu zenerale

 

Torran in pratza sos traballadores

Falan dae tottue pro issoperare

Ca in sas fabricas sos malefattores

zae sun cumentzende a lissentziare

 

Oe s’accatan galu appartadores

sempre a s’afferra affera, a bardanare;

suni meres, politicos, sennores

chi sun pensende petzi a s’arricare

 

Ma su populu sardu, solidale,

narat nono a sa leze ‘e su profittu.

Su traballu est su bene printzipale,

 

su traballu est su donu beneittu.

E no est petzi interesse zenerale,

ma peri unu dovere e unu dirittu.

 

5 de frearzu 2010