Cosas chi énint a conca … e in manus, de Aldo Lino

POESIAS e PINTURAS (16) de Aldo Lino. Sighèus sa rubrica in limba de su sàbodo in poesìa campidanesa, a sa moda de Sobarùssa.

 

Cosas chi énint a conca … e in manus, de Aldo Lino

 

 

…e turras e talleris

E paias de forru

Agus e agullas

E attras arrimasullias

Arrasoias de santusrugiu

Gutteddus e frocchittas

Culleras e cuccionìus

Imbudus cun sa màiga

E attrus chez’e nudda

Tassas de lama e imbìdriu

E ciccaras po caffei

Cun prattus e sattàias

E pingiàdas de ferru smattu

Caffatteras napoletanas

Cun frittu po sa gràbia

E trebinis de forredda

De ferru fotti fotti

Busas po marracòis

Imparis cu’ is chibìrus

E crobis e caistédas

Ischidois de linna e ferru

Po arrostì trottòia

E longus de malloru

Craddàgius de terrangiai

Po fai s’impast’e  is zippuas

E de arramini stangiau

Po accappottai brabeis

Lucchettu pro carradas

Ca ddin di lea su spuntu

No esti piracciou

Su binu de s’annada

Ghiterras chenz’e cordas

E sonus da e su corru

Trunfas  e pippiaious

Po sonai cun launeddas

Arrosas accupadas

Cun sa folla ‘e affabica

Spiccu segau a cavua

In s’ottu de nannai

Ollu stincu affracchillau

Ca no est’annad’e oia

Mutta cun oioi

Su cu fatt’a tuppoi

Cun chighiri arrostiu

E da e su forru fa

E fasou brentinieddu

Siccada sa castangia

Impari cun carruba

Moentis bellus po predis

E cuaddus fuius a musca

Musca maghedda a tallus

De sinzua unu cadasciu

Tilighettas chenz’e coa

E pibaras dae su canai

Lisiafeus fui fui

E pettapudigas siccadas

Sannoreddas ancora bias

E ghespus po binnenna

Cannameas cassadas oi

A lazzu in sa ingighedda

Duas peddis de mragiai

Commenti de coillus

E istintiru de angioi

De ponni in su schidoi

Po d’arrostì a bragia

Ddi bendu su craboi

Tappadas licchitosas

Bogadas asutt’e terra

Singella frisca frisca

Pettiazzu e sinzigorru

Pistillois sicaus

Tres dies a car’e soi

Comment’e abi de peddi

Toppis da’e su sattu

E gattus de omu mia

Po si fai cumpannia

Pappendi pan’e casu

Impari a bi’a rasu

E attras arrimasullas

Cun agus e agullas

E talleris e turras

E paias de forru

 

 

10.o7.2020

Condividi su:

    Comments are closed.