Ludovico Ariosto, de Aldo Lino

POESIAS e PINTURAS de Aldo Lino. Cun custa poesia custu zassu (sito, in it.) apèrit sa rubrica de poesia campidanesa, sighende sa rubrica in limba de su sàbodo. Aldo Lino (Solarussa, 1952) est mastru e professore de architettura in S’Alighera po s’Università de Tàttari. Sa figuras (in custa foto est ISSU) sunt e ant a essere sas suas.

A Ludovico Ariosto

 

Feminas, cavalleris, spadas e amoris

Presceris e volantìas bos cantu

Chi fuin a tempus chi naschìne froris

In Africa innantis e in Francia suni bantu

De poetas archimastros e pintoris

Chi pintan sa campagna cun incantu

Lassu issora s’ispada pro beranu

Comment’accostumaus in Campidanu.

 

Mi toccada su matessi a poetare

Mancai chenz’e maistru né iscola

Ma tottu su sentidu app’a isciogare

Connottu no seu stau cun custa fiola

E issa sempr’a ponnere e a liare

Sciadau m’ha cottu in sa cassola

Chi ciappu giassu accabbu sa poesia

Ca non ‘ndi ollu faghere maladia.

 

Si s’aggradessidi amigus de feisbucca

Sublimi intellighentzia de cust’ora

Paraulas bellas estidas a mastrucca

Bos cantu in custas dies de candelora

Pro iscontare unu deppidu de frucca

Chi mi faghed axius e non bonora

Su chi pozzu fai scetti deu fazzu

Ma no seu farra ‘impia de sodazzu.

 

(a.l. 07.02.2016)