CANDU SOS METALMECCANICOS SARDOS CANTAIANT IN SARDU, dae su 1979

Procurade de moderare / Barones, sa tirannia,

non pius nobiles ma borghesia / cambiada non est s’oppressione; /

appettigan sa nostra natzione / prepotentes de tottu sa terra /

declaramus da-e nou sa gherra / finalmente devemus cambiare.

PRO SA MARCIA DE SU TRABAGLIU de sos operaios meccanicos

(6-7 DICEMBRE 1979)

1) Hoe falamus da-e Logudoro

da-e Barbagia, da-e Campidanu

et imparis si damus sa manu

po chi siat s’unione pius forte,

ca gherramus po sa nostra sorte,

ca gherramus po sa nostra vida!

o Sardigna, como t’ischida,

da-e nou nos invadet su moro!

2) Sa Rinascita l’agattat bella

chie ingrassadu s’est che mannale

ca falende su capitale

hat promissu su chi non hat dadu;

po ammentu nos hat lassadu

cattedrales in su desertu;

sa malediscione hat fertu

in Sardigna che carestia.

PROCURAD’E MODERARE, BARONES, SA TIBANNIA

3) Ma da-e como a manu nostra

la mandamus a fora a fora

custa classe isfruttadora

ch ‘in miseria nos hat lassadu,

et cambiamu. custu istadu

de oppressilone et de prepotenztia:

ca flnida est sa passentzia

de sa zente trabagliadora.

4) Procurade de moderare

Barones, sa tirannia,

non pius nobiles ma borghesia

cambiada non est s’oppressione;

appettigan sa nostra nazione

prepotentes de tottu sa terra

declaramus da-e nou sa gherra

finalmente devemus cambiare.

5) Da-e Casteddu a Perdas de Fogu

da Oristanis a Maddalena

sa Sardigna de bombas est piena

de soldados et sottomarinos;

non dant pius trigu cussos terrinos

missiles in tottue sunt creschende

et non bastat su chi sunt gosende,

hoe cherene galu pius logu.

6) Ma sas bases chi andent a fogu

cun tedescos et americanos

canadesos e italianos

bennidos po fogher sa guerra;

ca nos s’inde furan sa terra

nos preparan po petta ‘e masellu:

ma ischet dare fruttu pius bellu

custa terra cun su trabagliu.

7) Procurode de moderare,

potentes, sa tirannia,

ca faeddades de autonomia

ma non hazis cambiadu s’idea;

bos piaghent dinari et cadrea,

fizos ‘e sos matessi barones,

pius modernos ma sempre ladrones:

hoe cherimus de l’accabare.

Pius forte s’istringat s’unione

de massaios et de pastores

de meccanicos et minadores

tottus paris po su trabagliu;

non creimus mancu po isbagliu

de sos sos meres e sa zenia

su. trabagliu et s’autonomia

po chi crescei sa nostra nazione.

Autore :Gianni Loy, 1979

Canta: Antonello Giuntini

Chitarra: Gino Benossa

Si no sciu iscriri però sciu cantai

Ti bollu contai custa storia mia:

custa storia mia, no ddu nau po vantu,

chi vemu unu bonu e stimau messaiu;

s’allirghia de tandu s’ès furriada in prantu,

si ti nau una vaula mi calid un’ arraiu:

in arbili o in maju de su settantadusu

no ndi podemu prusu de sighir’ a marrai,

s’acqua po abbai si perdiad in mari,

deu chen’e dinari ita podemu fai?

Non dhi podemu fai candu m’hanti nau,

nu frad’ e babbu, genti de Casteddu,

si bolemu unu postu, fiad assigurau

m’hanti nau sa paga, mi furriat su ciorbeddu.

Est a Macchiareddu, bisongiu nd’ hanti tentu,

po su srabilirnenru circant un’ operaiu

lass’ e fai su messaiu, ott’ oras a sa di,

fra biri e no biri mi seu presentau,

Mi seu presentau chen’e nci pensai,

a mulleri mia non dd’happu ascurtada

ca fiat una xida a mi consillai

de sighiri ancora sa visa passada.

No dd’happu ascurtada segur ‘e su miu;

Oj ehi ddu sciu pentiu mi ndi seu.

Immoi giai nci creu ma es cosa passada,

chi fessit cancarada sa manu po firmai.

Sa manu po firmai, mi seu bendiu tottu,

finas e sa domu, su carru e su campu:

Happ’ arrennegau su ch’happu connotu

Beniu seu a Casteddu a bivi ind’ unu stampu.

Mi cali d’ unu lampu si ti seu cogliunendi

Ca seu disigendi su ch’happu abbandonau,

mi seu consolau penzendi a su stipendiu.

Ma su ch’happu bendiu mi torrad in sonnu.

Mi torrad in sonnu sa bidda lassada

E dopu tres mesis chistionanta de crisi,

cun ritardu meda mi pagan sa giornada,

Est in sa Regioni chi immoi mi bisi

E si no ddu scisi esr po protestai

Mi seu fatt’ assentai a su sindacau

Chi s’had agiudau in sa lotta’ e su traballu,

si pensu a su sbagliu chi tandu happu fattu.

Si penz’ a su sbagliu, ancora duus annus

cun su tiremmolla fattu a sa Regioni;

ddus happu connottus cussus meris mannus

chi funti gioghendi cun s’occupazioni.

Cassa integrazioni, nci seu giai duus annus,

no tengad ateru dannu chini dd’ha provada;

oi sa giorronnada mi dda fatzu a fura

tengu una creatura giai andendi a iscola.

A mei de scola sa vida m’ha fattu

Sigu a andai a innantis chen’ e mi spantai

Ca pagu su sbagliu e mancu a barattu

Ma innoi chi nei seu sigh’ a dda gherrai

Po dda cambiai custa mala sorti,

custu ftagh’ e morti de su sfruttamentu,

ca de giovamentu de foras no ndi ‘ enidi,

a nosus cumbenid a prerziai sa terra nosta.