dae Mario Puddu(Cimitero di Barumini, 0.92.2012, ore 17,12)
A Giuanni Lilliu
Babbu sardu, Babbai!, as mustradu
A su mundhu sa tziviltade antiga
De sos Sardos e fatu a passione
Sa siéntzia ch’iscrarit su nuraghe;
Semenadu as sentidu ’e libbertade
Chi s’ischidet sa Sarda Natzione
E cun totu sas àteras sa vida
In paghe sigat e cun menzus fadu!
Tue ses de Sardigna sa memória
Cun dignidade de su esser zente
Fortza paris faghindhe e agguantu.
Nos restas in su coro e in s’istória
E de sos Sardos as a esser sempre
Bandhera de onore, fortza e bantu.