Unu foghile, linna pro alimentu

lùghes e umbras s’intrìzan’a giogu

abbàidos sas undas de unu fogu

chirchende de sighìre movimentu

de orìzos chi mai tenen’assentu

lacanas de corpu ruju e grogu.

E gai iseto, melèdende ammentu

de s’annu chi lassende l’est su logu

a s’avrèschida de un’ateru pius nou

da inue las ispero mezorìas

poi‘e dies basàdas da’ s’anneu.

E chirco in comintzu unu recreu

Pro asciutare abbas in pupìas

E sanare s’istochìzu de unu tzou.

AUGURIOS MANNOS

(sonetto augurale di Salvatore Meloni)

Condividi su:

• 
•