- Fondazione Sardinia - http://www.fondazionesardinia.eu/ita -
Tien An Men, de Gianni Loy
Posted By cubeddu On 15 maggio 2021 @ 08:30 In Blog,Literadura sarda | Comments Disabled
Su sabodo de sa poesia in sardu‘: Gianni Loy, 6.
Tien An Men
In su mesi de maiu
ancora s’agattaus in su camminu,
sigheus a andai
po cantu du permittit su destinu.
Sigheus, impari,
finas a candu orbescit su mengianu.
Sigheus andendu,
si unu cumpangiu si donat sa manu
In sa prazta ‘e Tiananmén
su fogu est un arrastu de memoria
In sa pratza ‘e Tiananmén
In d’unu furriadorgiu de s’istoria.
Faccias a soli,
non c’est su tempus po si ndi chesciai.
Sigheus andendu
po cantu ancora si lassant’andai.
Mesi de maiu
imparis seus ghettendu un’atra isfida,
sigheus a andai
su tanti chi si lassanta de vida.
In sa pratza ‘e Tiananmén
su fogu est un arrastu de memoria.
In sa pratza ‘e Tiananmén,
in d’unu furriadorgiu de s’istoria.
Luegu s’istadi:
s’incras nos abettat misteriosu.
Sigheus a andai
Sigheus, a manu tenta cun s’isposu.
Su cruculeu
spibisiendu allirgat su giardinu.
Sigheus a andai
po cantu du permittit su destinu.
In sa pratza ‘e Tiananmén
su fogu est un arrastu de memoria.
In sa pratza ‘e Tiananmén,
in d’unu furriadorgiu de s’istoria.
1988
Article printed from Fondazione Sardinia: http://www.fondazionesardinia.eu/ita
URL to article: http://www.fondazionesardinia.eu/ita/?p=18861
Click here to print.
Copyright © 2013 Fondazione Sardinia. All rights reserved.