(Nella foto: Papa Francesco, ieri sera in piazza San Pietro)

Abbarra cun noso!

Abbarra cun noso,

Segnore!

De nues niedhas

si ammontat s’aera,

sa die iscurigat,

su note est calandho

e is bentos surbandho

de dónnia manera

faendho istrachia!

Abbarra cun noso,

Tue Cristos Segnore!

Is foedhos chi naras

Tu’ebbia

faent lughe a su mundhu

ca Tue ses s’Ispera,

ca Tue ses s’Amore,

sa Paghe, sa Vida

de s’Umanidade!

Abbarra cun noso,

Tue Cristos Segnore!

Su pane ispartziu

ses Tue

a is frades in gherra

morindho de is males

chi naschint

in coro asuriu.

Aperi su coro,

aperi sa mente

a totu sa gente

po èssere frades

in totu sa Terra!

Ca Tue ses s’Amore

abbarra cun noso,

Tue Cristos Segnore!

Condividi su:

• 
•